“Bagşyçylyk sungatynyň ussady”

Balkan welaýat kitaphanasy bilen Balkan welaýat ýörite Sungat mekdebi bilenbilelikde Türkmenistanyň halk bagşysy dosent derejesini alan Oraznepes Döwletnazarowyň 80-ýyllyk ýubileýine bagyşlanyp “Bagşyçylyk sungatynyň ussady”-atly edebi-sazly çäre geçirildi.Çärede çykyş edenler Gahryman Arkadagymyz, Arkadagly Gahryman Serdarymyz bagşyçylyk sungatyny kämilleşdirmekde,aýdym-saz äleminde öçmejek yz galdyran şahsyýetleri  ýatlap,halypa-sägirtlik ýoluny dowam etdirmeklige, ösdürmeklige giň mümkinçilikler döredip berýänligi hem-deTürkmenistanyň halk bagşysy halypa Oraznepes Döwletnazarowyň  ömri we döredijiligi dogrusyndaky gürrüňlere giň gerim berdiler. Çäräniň dowamynda halypa bagşynyň döreden aýdym-sazlary Balkan  welaýat ýörite  sungat mekdebiniň bagşy-sazandalarynyň,halypanyň şägirtleriniň ýerine ýetirmeginde ýaňlanmagy çärä aýratyn öwüşgün çaýdy.

"Hazynaly halypa"

Balkan welaýat kitaphanasynda Balkan welaýat kitaphanasynyň Hyzmat ediş bölümi tarapyndan Türkmenistanyň halk ýazyjysy, şahyr Kerim Gurbannepesowyň doglan gününiň 95 ýyllygyna bagyşlanyp “Hazynaly halypa” ady bilen çeper okaýyş geçirildi. Çeper okaýyşda şahyryň ömri we döredijiligi barada kitaphanaçylar çykyş etdiler. Türkmen edebiýatynyň sarsmaz sütünleriniň biri bolan söz ussady Kerim Gurbannepesowyň goşgylaryny uly höwäs bilen joşup okap berdiler.

"Gurluşyk we senagat toplumynyň işgärleriniň güni"

Balkan welaýat kitaphanasynda, Balkan welaýat kitaphanasy, Türkmenistanyň Kärdeşler Arkalaşyklary bilen bilelikde “Gurluşyk we senagat toplumynyň işgärleriniň” güni mynasybetli çäre geçirildi. Çärede çykyş edenler jemgyýetçilik guramalarynyň işgärleri, kitaphanaçylar “Pähim-paýhas ummany Magtymguly Pyragy” ýylynda ýetilen sepgitler, ýurdumyzyň ykdysadyýetiniň ösmeginde senagat işgärleriniň goşýan goşantlary dogrusynda aýtdylar.

“Türkmenistan-melhemler mekany”

  Balkan welaýat kitaphanasynda Balkan welaýat kitaphanasynyň kitaphanaçylary, Balkanabat şäheriniň saglygy goraýyş işgärleriniň Kärdeşler Arkalaşyklarynyň Geňeşi tarapyndan Gahryman Arkadagymyz Gurbanguly Berdimuhamedowyň “Türkmenistanyň dermanlyk ösümlikleri” atly köp jiltli kitabyna bagyşlanyp “Türkmenistan-melhemler mekany” ady bilen söhbetdeşlik geçirildi.Berkarar döwletiň täze eýýamynyň Galkynyşy döwründe ynsan saglygyny gorap saklamak, sagdyn durmuş ýörelgelerini rowaçlandyrmak işleri dogrusynda aýtdylar. Türkmen topragynda bitýän adam saglygyna peýdaly ösümlikleriň peýdalanyşy barada çykyş etdiler.

 “Kitaphana-ruhy çeşmäniň gözbaşy”

Balkan welaýat kitaphana binasynyň açylyş dabarasynyň X-ýyllygy mynasybetli “kitaphana-ruhy çeşmäniň gözbaşy” – atly okyjylar, kitaphana hünärmenleri, bilen duşuşyk geçirildi. Çärä kitaphanaçylar, dürli kärdäki hünärmenler, talyp, mekdep okyjylarymyz gatnaşdylar. Çärede çykyş edenler, 2014-nji ýylyň oktýabr aýynda Türkmen halkynyň Milli Lideri Arkadagymyzyň gatnaşmagynda açylyp ulanylmaga berilendigi, Şeýle hem dünýä ülňelerine gabat gelýän, innowasion tehnologiýa enjamlary bilen enjamlaşdyrylan Balkanabat  şäheriniň gözelligine gözellik goşýan Balkan welaýat kitaphanasynyň bu günki gün Berkarar döwletimiziň täze eýýamynyň Galkynyşy döwründe halk köpçüligine giňden kitap hyzmatyny edýändigi dogrusyndaky çykyşlar edildi.

Garaşsyzlyk bagt getirdi halkyma

“Garaşsyzlyk bagt getirdi halkyma” – atly Balkan welaýat kitaphanasy we Balkanabat şäheriniň saglygy
goraýyş işgärleriniň Kärdeşler arkalaşygynyň geňeşi bilen bilelikde şanly Garaşsyzlyk baýramynyň 33-
ýyllygyna bagyşlap edebi-çäre geçirildi. Çärede çykyş edenler hormatly Prezidentimiz Serdar
Berdimuhamedowyň parasatly ýolbaşçylygynda Berkarar döwletimiziň täze eýýamynyň galkynyşy
döwründe ähli pudaklar boýunça beslenýänligi we halkara abraýynyň belende galýanlygy, dünýä
döwletleri bilen dostlukly, parahatçylykly syýasy, ykdysady gatnaşyklaryň has dabaralanýanlygy
baradaky çykyşlara giň gerim berildi.

 
"Magtymguly Pyragy-Şygyry paýhas ummany"

"Pähim-paýhas ummany Magtymguly Pyragy" ýylynda Türkmenistanyň Prezidenti Hormatly Serdar Berdimuhamedowyň baştutanlygynda durmuşa geçirilýän halk bähbitli beýik işleri açyp görkezmek hem-de giňden wagyz etmek maksady bilen, Türkmenistanyň Medeniýet ministrligi Türkmenistanyň Kärdeşler arkalaşyklarynyň Milli merkezi tarapyndan ministrligiň garamagyndaky kitaphanalardan öňdebaryjy, ökde, ýaş wagyzçy kitaphanaçylary ýüze çykarmak maksady bilen "Magtymguly Pyragy-Şygyry paýhas ummany" ady bilen geçirilýän hünär bäsleşigi Balkan welaýat kitaphanasynda kitaphanaçy hünärmenleriň arasynda geçirildi. Balkan welaýatynyň kitaphanaçy hünärmenleri bäsleşigiň şertleri boýunça çykyş etdiler. Bäsleşikde tapawutly çykyş eden Türkmenbaşy, Balkan welaýat kitaphanasy, Hazar şäheriniň kitaphana hünärmenleri baýrakly orunlara mynasyp boldular. Hünärmenlere Balkan welaýat Kärdeşler arkalaşyklarynyň, gymmat bahaly sowgatlary, Balkan welaýat kitaphanasy tarapyndan Hormat hatlary gowşuryldy.

Dillerde Dessan Pyragy

Berkarar döwletiň täze eýýamynyň Galkynyşy döwründe bagtyýarlygyň hözirini görüp ýaşamak her bir ýaş nesil üçin bahasyna ýetip bolmajak bagtdyr. Tomuz paslynyň gelmegi bilen güneşli ükämiziň gözel künjeklerindäki dynç alyş merkezlerinde  dynç alýan çagalar her bir günlerini şadyýan, şowhunly geçirýärler. Şeýle dynç alyş merkezleriniň biri hem “Awaza” milli syýahatçylyk zolagyndaky “Daýanç” dynç alyş we sagaldyş merkezidir.

Türkmenbaşy şäheriniň merkezi şäher kitaphanasynyň kitaphanaçylary “Pähim-paýhas ummany Magtymguly Pyragy” ýylyna bagyşlanan “Daýanç” dynç alyş merkezinde dynç alýan çagalaryň arasynda bolup, “Dillerde dessan Pyragy” atly Magtymguly Pyragynyň goşgularyny we ussat şahyrymyzy wasp edýän goşgulary ýatdan, labyzly aýtmak boýunça çeper okaýyş geçirdiler. Kitaphanaçylar beýik şahyryň ömri we döredijiligi, goşgularyndaky watansöýüjilik, mertlik, halallyk,deňsiz taýsyz şygyrýet mirasy barada täsirli gürrüň berdiler.  Çagalar uly höwes bilen ussat şahyryň goşgularyny joşgunly, labyzly, buýsanç bilen aýdyp berdiler. 

Sapaly künjekde dynç alýan çagalar özleriniň bilimli, giň dünýägaraýyşly ýaşlar bolup ýetişmekleri ugrunda alada edýän Gahryman Arkadagymyza, Arkadagly Gahryman Serdarymyza çaga ýüreklerinden sagbol aýdýarlar.

Magtymguly Pyragy-Jemşidiň jamy

Şu gün Balkan welaýat kitaphanasynyň Miras otagynda kitaphana işgärleri, Balkanabat şäheriniň Saglygy goraýyş işgärleriniň Kärdeşler Arkalaşyklarynyň Geňeşi bilen bilelikde “Magtymguly Pyragy-Jemşidiň jamy” atly maslahat geçirildi. Maslahatda çykyş eden kitaphana , saglygy goraýyş ulgamynyň işgärleri Magtymguly Pyragynyň edebi mirasy, goşgulary hakynda çykyş etdiler. Mahriban Arkadagymyzyň Arkadagly Serdarymyzyň tagallasy bilen Magtymguly Pyragynyň 300-ýyllygy bu ýylda bellenmegi mynasybetli Aşgabat şäherinde dag eteginde şahyryň heýkeliniň oturdulmagy türkmen halkyny begendirdi. Çykyş eden kitaphana işgärleri şahyryň täze açylan heýkeli barada hem giňişleýin çykyş etdiler. Magtymguly Pyragynyň watançylyk, gahrymançylyk hakyndaky goşgulary hem okaldy. Mähriban  Arkadagymyza, Arkadagly Serdarymyzyň halk bähbitli alyp barýan işleri elmydama rowaçlyklara beslensin.

Milli medeniýetiň we sunagtyň sarpalanýan zamany- Magtymguly pyragynyň arşa galan eýýamy

Balkan welaýat kitaphanasy Medeniýet we jemgyýet işgärleriniň  hem-de Magtymguly Pyragynyň Şygryýet güni mynasybetli "Milli medeniýetiň we sungatyň sarpalanýan zamany - Magtmguly Pyragynyň arşa galan eýýamy - ady bilen aýdym sazly edebi çäre geçirdi. Çäre medeniýet we sungat işgärleri, mugallymlar, Balkan welaýat sungat mekdebiniň talyplary hem-de orta mekdep okuwçylary gatnaşdylar. Çärede çykyş edenler gözbaşyny asyrlaryň jümmüşinden alyp gaýdýan halkymyzyň kämil medeniýete eýe bolup, milli mirasyny gorap saklap, ösdürip, kämilleşdirip gelinenligi, Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Serdarymyzyň medeniýet ulgamy bilen baglanşykly edýän çuň manyly çykyşlary, ylmy seljermeleri we çeper eserleri milli medeniýetimiziň has-da pajarlap ösmegine uly itergi berýänligi dogrusyndaky gürrüňler edildi. Mekdep okuwçylary bolsa Magtymguly Pyragynyň şygyrlaryny labyzly okap berdiler. Çäräniň dowamynda Sungat mekdebiniň bagşy-sazandalarynyň ýerine ýetiren şirin owazly aýdymlary çärä aýratyn öwüşgin çaýdy.